13.04.2023

Од идеја до реализација – сите заеднички, со своите лични изработки, се претставивме на Велигденскиот базар

Атмосферата беше повеќе од возбудлива, така што успешната реализација беше неизбежна

Благодариме за посетата и посакуваме мирни и спокојни празнични денови

12.04.2023

Во рамки на проектот “Патоказ за вашата еко-паметна општина”, под покровителство на Амбасадата на САД, во текот на вчерашниот ден во нашето училиште се реализираше едукативна работолница од страна на претставници на Центарот за климатски промени

На работилницата учествуваа учениците од одделение, а се презентираа одржливи проекти во домот и училницата и се дискутираше на теми за заштита на животната средина

На крајот, работилницата беше заокружена со краток Квиз на знаења за учесниците, при што истата се заокружи со активност од забавен карактер #ClimateChangeChallenges

12.04.2023

Драги пријатели на нашето училиште – Ве покануваме да го посетите нашиот Велигденски базар на кој ќе се претстават нашите ученици со своите изработки

#odnaszanas#bazar

11.04.2023

На 9ти април во Велес, во организација на SZTKM – Narodna tehnika na Makedonija се одржа 60 Државен натпревар за млади техничари и природници

Учество земаа и нашите ученици и постигнаа значајни резултати:

Прво место – Боби Трајковски 6⁴ одд во областа Бродомоделарство.

Второ место – Никола Стојановски 5⁴ одд во областа Ракетно моделарство.

Второ место – Илија Димитров 7⁵ одд во областа Електроника.

Трето место Мартин Горѓиев 6² одд во областа Воздухопловно моделарство

Трето место Калин Петрушевски од 7¹ одд во областа Роботика.

Честитки за учениците и нивниот наставник – ментор Светланка Арсеновска, им посакуваме уште поголеми успеси во иднина

10.04.2023

Караванот на Ars Lamina го посети и нашето училиште

Благодарни сме за донацијата и посакуваме уште поуспешна соработка во иднина

******************************************************************************

Претставници на „Арс Ламина“ деновиве гo посетија основното училиште ООУ “Љубен Лапе” Аеродром во Скопје и подарија 100 книги во училишната библиотека. Донацијата се состои од лектири, читанки, едукативни изданија и нагледни средства.

Со тоа се реализираше донацијата од вкупно 800 книги во училишта Општина Аеродром во склоп на кампањата за поттикнување на читачките навики кај децата – „Читањето е супермоќ“.

08.04.2023

Под мотото “Спортуваме за Аеродром” се сплотивме сите во едно, за 18 годишнината од постоењето на нашата најубава Општина Аеродром

Нашето училиште учествуваше во денешните активности кои се реализираа во паркот “Авион”, но и преку творбите на нашите ученици, кои во текот на целата недела твореа по повод роденденот на општината

#happybirthday#opstinaAerodrom

07.04.2023

Светски ден на здравјето — ден посветен на подигање на свеста за здравјето на луѓето ширум светот, кој се одбележува на 7 април секоја година, под покровителство на Светската здравствена организација (СЗО)

На овој датум всушност е основана СЗО, која годинава на 75 годишнината од основањето, денот го одбележува под мотото “Здравје за сите”. Целта е со темата да се потенцираат сите успеси во јавното здраство со кои е подобрен квалитетот на живот, но и да се поттикнат активности кои се неопходни во справувањето со сите здравствени предизвици

Нашите ученици вредно работеа, со цел одбележување на овој меѓународен датум и испратија пораки до сите нас: како да се грижиме за своето здравје преку грижата за околината и поттикнување за водење на здрав начин на живот

#WorldHealthDay2023

06.04.2023

На општинскиот натпревар по шах, одржан на 6.4.2023 година, во Спортскиот центар “Марко Божиновски” во организација на Шаховска Федерација на Македонија / Chess Federation of Macedonia, нашиот ученик, Симеон Лакински од деветто одделение се закити со медал за освоено трето место

Им благодариме на сите ученици кои учествуваа на шаховскиот турнир и на менторот Маја Божиновска

Честитки за постигнатиот успех – посакуваме уште многу нови и поголеми успеси

05.04.2023

На Меѓународната смотра – шеста по ред, од проектот “Пеј, свири, играј…Во што сме најдобри?” он-лајн учество земаа и нашите ученици

Проектот е од мотивациски – едукативен – презентациски и мултимедијален каракрер во кој хорот, оркестарот и солистите Натаниел Јовановски VII³ одд., Ива Минова VI¹ одд. и Теодора Талеска III⁶ одд. од нашето училиште се претставија со она во што се најдобри

Честитки за нашите ученици и нивниот Ментор/наставник м-р Жанета Д. Донева за успешното и достојно претставување на нашето училиште #PevajSvirajPleshi

04.04.2023

Во рамките на воннаставните активности по предметот Граѓанско образование во нашето училиште се одржа ученичка дебата, на тема “Улогата на жената во современото општество”

На дебатата учествуваа ученици од 6то до 9то одделение, а присуствуваа и наставничките по граѓанско образование и македонски јазик, како и стручните соработници.

Во пријатна атмосфера, низ спонтан разговор, нашите ученици ни покажаа дека умеат правилно да дебатираат и да искажат почит и внимание кон мислењето на другите за темата и да се сослушуваат.

Слободно ги споделија своите гледишта и размисли кои се однесуваат на еднаквоста на правата помеѓу мажите и жените, семејното насилство, многустраната улога на жената во модерното општество – мајка, сопруга, домаќинка, работник, научник, спортист, уметник, инспирација.

Беше задоволство да се искуси вистинска аргументирана дебата меѓу децата, при што од нивните искажувања може да се види дека тие правилно созреваат и развиваат критичка мисла, дека градат свои ставови и принципи кои не се оптоварени со стереотипи и предрасуди кон местото и улогата на жената во граѓанското општество и дека усвојуваат добри вредности на личноста