30.08.2023
Почитувани ученици и родители
Ве известуваме дека учебната 2023/2024 година ќе започне во петок на 1.9.2023 година
Сите неопходни информации за организација на наставата ќе бидат споделени на одделенскиот час и првата родителска средба.
Ви посакуваме среќен почеток и успешна учебна година
06.07.2023
ИЗВЕСТУВАЊЕ до сите граѓани кои го користат училишниот двор – капиите на училиштето се отворени до 16 часот
Штетата која беше направена на едната од капиите е санирана, така што ја користиме приликава и да повикаме на совесност и одговорност. Да го чуваме она што ни припаѓа на сите нас и да се грижиме за јавните објекти и површини за општото добро – наше, а во случајов и на нашите ученици
Секој нареден вандалски чин ќе биде пријавен во полиција.
26.06.2023
Гордост е да се биде истакнат и награден во една прекрасна генерација на ученици, Генерацијата 2014 – 2023 година
Ученичката Симона Наковска се издвои како најдобра меѓу најдобрите и заслужено се закити со титулата – Првенец на генерацијата
Денес в.д. Директорката, Ивана Цветановска им додели награди на сите ученици пријавени на Конкурсот – за нивните постигања и заложби за лична афирмација, но и за достојното претставување на училиштето на секој натпревар на кој учествувале 
Честитки за сите ученици, нивните наставници и одделенски раководители и им посакуваме успех и среќа на патот кој ќе го изберат во иднина 
#bestofthebest
24.06.2023
За осуда е секое недолично однесување и уништување на површини и објекти од јавен карактер
Нашето училиште и изминатата ноќ било мета на вандалски чин од страна на неодговорни граѓани 
Уште еднаш апелираме за почитување на површините кои се заедничка сопственост, а за сторителите на ова недело известуваме дека ќе пријавиме до сите надлежни институции и ќе се потрудиме – секој соодветно да одговара за своите постапки
15.06.2023
Цела учебна година со тренерите од Геостратешки Институт Глобал посветено “Учиме да пливаме” 
Нашите вредни првачиња, кои беа опфатени со овој проект на Општина Аеродром, заедно со својот наставник по Физичко и здравствено образование, Димитар Ѓатоски – вредно, успешно и со задоволство ги посетуваа часовите по пливање
За целата своја посветеност на проектот и учениците и наставниците добија Благодарници за активното учество #SwimLessons#ЗаЗдравиИСреќниПрвачиња
Лето – забава – другарување
13.06.2023
Во рамки на проектот “Емпатија над насилството во училиштата” кој во нашето училиште се реализира во Активот на трето одделение во соработка со Центар за развој, едукација и советување на деца и млади-МАША Марија приказната ја заокруживме со 3² одделение, каде психологот, Марија Конеска ја реализираше работилницата и со овие ученици 
Целта е, преку игра кај учениците да се развие свесноста за сопствените постапки, развивање на емпатија како и начинот на разрешување на секојдневните конфликти. Тие се договорија лошите зборови и постапки да се одминат и на нивно место да се кажуваат и пишуваат убави зборови.
Уште еднаш, голема БЛАГОДАРНОСТ до гостинката.
Се надеваме на понатамошна соработка
12.06.2023
Еразмус проект ,,ЖИВОТОТ Е ОБОЕН СО НОВИ ИНФОРМАЦИИ“
Од 21-27 мај се реализираше мобилност на ученици и наставници од нашето училиште како партнер училиште во проектот. Домаќин училиште беше “Ugurlu Ilkokulu” – Трабзон, Турција 
Првиот ден имаше претставување на Тимовите-учесници на мобилноста, богата културна манифестација од страна на училиштето-домаќин, а учесниците имаа работилница – преку сликање да ги искажат првичните впечатоци 
Во текот на мобилноста учениците посетија неколку различни одделенија каде имаа можност да видат каде и како се одвива наставата во тоа училиште.Се запознаа и со културата, традицијата и начинот на живот, реализираа и низа едукативни активности.
Беше реализирана и културна тура, организирана од домаќините, со цел запознавање со убавините и културните обележја на градот. Се организираше посета на “Boz Tepe”, цркви во околината, посета на еколошкиот центар “Toprak Ana” каде учениците имаа едукативни еколошки игри. Учесниците ги посетија и спомен куќата на основоположниците на отоманската империја, глечерското езеро “Uzungul”, фабрика за производство на Турски чај и пештерата “Jumus Anne”
Последниот ден на сите учесници им беа доделени Сертификати за учество во мобилноста, која се заокружи со засадување на зимзелени растенија во парк во близина на стадионот на ФК “Трабзон” и куклена претстава
“Life is colored with new information” Национална агенција за европски образовни програми и мобилност
09.06.2023
Учениците од 3³ одделение заедно со наставничката Марина Спасовска, денес направија обиколка на булеварот “Јане Сандански” и обележаните крстосници, прошетка низ Детската улица “Тоше Проески”, играа на спортските терени и ги користеа сите забавни капацитети во околина на училиштето за еден преубав заеднички ден – развивајќи го спортскиот дух и запознавајќи ја околината преку игра и другарување #envirement#friday
улица “Васко Караѓелевски” бр.2, 1000 Скопје
02 / 24-30-552
@yahoo.com
