22.05.2025

Конкурсот за првенец на генерација 2016-2025 можете да го погледнете ТУКА

30.10.2024

Во текот на вчерашниот ден, под мотото „Рециклирај, донирај, подобри“ во нашето училиште се организираше едукативна забава на која настапи популарниот бенд ДНК, чии членови се бренд-амбасадори на проектот.

#gogreen#nulaotpad#рециклирај

Во рамки на проектот “Clean AirDrom” музичко – едукативниот караван, поддржан од Општина Аеродром го посети и нашето училиште со цел да ги мотивираме и анимираме учениците да станат активни учесници во проектот каде главна цел е подигање на свеста за одговорност кон животната средина, важноста на рециклирањето и еколошка самоиницијатива.

Во таа насока и ги повикуваме нашите ученици за посовесно и поодговорно однесување со отпадот, како и редовно користење на машината за пластични шишиња – поставена во училишниот двор.

Повик до сите нас за поголема еколошка свесност и совесност – да се грижиме за околината и да се грижиме нашата општина да биде почиста и поубава за живеење. #CleanAirDrom

29.10.2024

Денес во училишниот двор го засадивме пензискиот парк заедно со претставници на пензиските друштва: Триглав, Сава и КБ Прво пензиско друштво #ЗасадиЖелба

Директорката на училиштето, Фоника Станоева со Градоначалникот на Општина Аеродром, наставниците и учениците ги посадија подарените садници, а се постави и клупата која ќе биде сведок на настанот, а потоа и место за уживање во сенките на дрвјата

Засадените дрвја, освен тоа што ќе го оплеменат просторот, ќе бидат и жива метафора за иднината на учениците дека секој чекор што тие го прават денес може да биде инвестиција во подобра иднина

28.10.2024

На 26ти октомври во Пехчево, во организација на SZTKM – Narodna tehnika na Makedonija и Сојузот на клубови на млади техничари и природници се одржа 61-от Државен натпревар на млади истражувачи, техничари и природници.

Нашите ученици под менторство на наставничката Светланка Арсеновска покажаа одлични резултати

Прво место за Боби Трајковски од 8⁴ одделение во областа “Бродомоделарство”.

Прво место за Илија Димитровски од 9⁵ одделение во областа “Електроника”.

Прво место за Доријан Николовски од 6⁴ одделение во областа “Ракетно моделарство”.

Второ место за Михаил Балески од 7² одделение во областа “Иновации”.

Честитки за учениците и нивниот наставник – ментор, посакуваме уште поголеми успеси во иднина

26.10.2024

Вчеравечер успешно ја реализиравме едукативната работилница за родители на која се отворија многу прашања за врсничкото насилство, се споделија искуства, се разменија мислења и се обидовме да дадеме некои комплексни одговори кои ќе не доближат барем чекор до решенијата кои ни се бескрајно потребни.

Со Сашко Коцев како модератор на настанот – еминентни психолози и директорката на нашето училиште, Фоника Станоева како педагог, го споделија своето искуство од активното работење на оваа тема.

Патот е долг и неизвесен, посветеноста од целокупната заедница е неопходна, но сепак РОДИТЕЛИ – Отворената комуникација е најдобриот начин да го заштитите вашето дете од каков било тип на врсничко насилство. Охрабрете го вашето дете отворено да зборува на оваа тема

Благодарност до Градоначалникот Дејан Митески и Општина Аеродром за поддршката и присуството на настанот.

#КрениГласПротивВрсничкоНасилство – Општествено одговорна кампања на #Макпетролwww.kreniglas.mk

22.10.2024

Денот го започнуваме со Историскиот час во чест на нашиот Патрон, Љубен Лапе.

Во организација на наставниците по историја и историската секција беше прочитан пригоден текст за животот и делото на Љубен Лапе, а ученици од литературната секција прочитаа свои творби

Со оваа активност го започнавме

празничниот ден и го продолжуваме, во истиот дух и многу содржини

21.10.2024

Ве покануваме да ни бидете гости на одбележувањето на патрониот ден на нашето училиште. Да се забавуваме и да оддадеме почит кон ликот и делото на Патронот на училиштето, македонскиот Херодот – Љубен Лапе

18.10.2024

Вчерашниот ден беше исполнет со дружење, игра, забава и спорт – вчера беше ден за пикник – ден за другарување со природата

Учениците од одделенска настава заедно со своите наставнички, на падините на Водно го реализираа есенскиот еднодневен излет

07.10.2024

Караванот на TEATAR PROVOKACIJA денес го посети нашето училиште, а актерите ја изведоа претставата “Работата го краси човекот” – детски мјузикл работен по басната “Штурецот и Мравката”. Претставата е уште една од активностите во нашето училиште, реализирана по повод Светската недела на детето #детсканедела

Целта на претставата е да ги научи најмладите на одговорност и навремено завршување на обврските, помагање на своите родители, но не изоставувајќи го и моментот на уживање во слободното време. Преку претставата децата учат дека во животот има време за сè, само треба добро да се организираме

05.10.2024

Денешниот ден, 5ти Октомври, е прогласен за Светски ден на учителите#Teacherday2024

Професијата наставник е благородна професија што ги обликува карактерот и иднината на една личност.

Да се биде учител, наставник, професор, воспитувач е најблагородната, најубавата, но и најодговорната професија што подразбира огромна посветеност не само кон младата личност туку и кон оној на кој му се потребни знаења, вештини и мотивација