02.10.2026

Документите:
*Повик за избор на правобранител
*Пријава за ученички правобранител
*Пријава за заменик ученички правобранител

може да се погледнат и превземат од Мени/Документи/Огласи (во прилог ЛИНК од истото)

15.04.2026

Драги првачиња – почитувани родители

Го најавуваме и закажуваме уписот за новата учебна година

Ве очекуваме

Известување за упис на ученици во прво одделение

Пријава за запишување на ученик во прво одделение

Распоред за опсервација и запишување на ученици во прво одделение

05.03.2026

Во рамките на кампањата “ Јас одлучувам . Моето здравје, мојата иднина” учениците од 8-1 одделение заедно со нивниот одделенски раководител, активно и посветено се приклучија со изработка на разновидни изработки, презентации и кусо видео. Целта на кампањата е промоција на здрави стилови на живот, навики и превенција од алкохол, цигари, дрога и коцкање.

22.09.2025

Секојдневно се трудиме да ги подобриме условите за работа во нашето училиште. Нашите ученици и грижата за нив ни се приоритет, како на нас така и на сите вклучени во образновниот процес – наставниците, родителите и целата заедница.

Овојпат во соработка со општествено одговорната компанија, ,,Енерика дооел” – Скопје и благодарение на нивната донација успеавме да обезбедиме нови клупи и столчиња за нашите ученици

Благодарност за донацијата и за успешната соработка.

05.09.2025

Општина Аеродром ги додели признанијата за ученик на генерацијата и за најдобар наставник/стручен соработник.

Од нашето училиште, уште еднаш, потврда за својот успех добија

Ана Велкоска – Првенец на генерацијата 2016/2025 година.

Сања Станисавовска – Наставник по Биологија.

Искрени честитки за сите наградени – ова е уште едно признание за посветеноста, професионалноста и трудот кој се вложува во она што се сака.

02.09.2025

,,Бесплатен таблет за секој ученик од четврто одделение во Општина Аеродром” – уште еден проект кој нашата општина денес успешно го реализираше

Сите ученици од одделение добија бесплатни таблети за полесно и непречено одвивање на наставата, но и полесно совладување и користење на новите технологии #newtechnology#NewGeneration#learning#tablets

01.09.2025

Во изминатите денови се подготвувавме – творевме и другарувавме, за првиот училишен ден да го направиме весел, распеан и насмеан, а на првачињата да им посакаме најтопло добредојде во нашиот заеднички дом – нашето сакано училиште

Директорката на училиштето, Фоника Станоева ја отвори свеченоста, се заблагодари за довербата и привилегијата – токму нашето училиште да ги воведе дечињата во светот на знаењето, другарувањето со книгата и растењето рака под рака со наставниците и другарчињата.

На присутните им се обрати и Градоначалникот на нашата општина, Дејан Митески кој ги поздрави родителите и учениците и на сите ни посака среќна и успешна учебна година.

Започнавме со интонирање на државната химна и химната на училиштето, продолживме со уште неколку забавни точки и на крај сите во еден глас посакавме СРЕЌЕН ПОЧЕТОК на уште едно заедничко патување #backtoschool#welcome#learning#friendship#unity

01.09.2025

Драги ученици,

Ви посакуваме среќен и успешен почеток на оваа учебна година

Мили првачиња – топло добредојде

Со нетрпение ве очекувавме и се надеваме дека сте подготвени за нови знаења и безброј авантури

Да учиме и растеме во уште едно заедничко патување.

СРЕЌЕН ПОЧЕТОК

13.06.2025

Одлука и прогласување на Првенец на генерација 2016-2025 – Превземи

28.05.2025

Денес нашето училиште и Општина Аеродром беа домаќини на Саемот за наука, кој е дел од проектот „Науката и јас“ #СаемЗаНаука#sciencefair

Настанот го отвори директорката на училиштето, Фоника Станоева, а на присутните им се обрати и в.д. градоначалникот на Општина Аеродром, Дејан Митески. Тие го истакнаа своето уверување дека секое дете во себе носи потенцијал кој со вистинска поддршка и менторирање може да биде препознаен и правилно да се развива

Честитки за организацијата „Македонија 2025“ која со поддршка од општествено – одговорната компанија „Џонсон Мети“ беспрекорно го организираше овој настан на кој се истакнаа многу ученици со своите познавања од различни научни области и не уверија дека нашата иднина и иднината на нашата држава ќе биде во сигурни раце