17.11.2023

Благодариме за посветеноста кон учениците и воопшто кон дечињата во Општина Аеродром . Чест и задоволство ни беше да бидете наш гостин г-н Timco Mucunski

*************************************************************************

Обезбедуваме услови за модерен образовен процес во основното училиште „Љубен Лапе“

Унапредувањето на образовниот процес, инвестициите во инфраструктурата и воведување нови содржини за учениците се нештата според кои се водиме во секојдневното работење. Нашата цел и визија е Аеродром да биде општина која ги нуди најдобрите услови за правилен развој на учениците, да обезбедиме средина во која секој ќе може да ги достигне своите квалитети и потенцијали.

Заедно со директорката на ООУ „Љубен Лапе“ Фоника Станоева, денеска извршивме увид во последните активности кои се спроведоа во ова училиште, а каде со заедничка инвестиција на училиштето и претставник на училишниот одбор, учениците од прво и четврто одделение и нивните наставници добија 6 смарт-системи за презентации, како и пен-таблети за модернизација на образовниот процес и реализација на наставната програма.

Љубен Лапе е едно од основни училишта во Општина Аеродром каде минатиот период имаше значителни инвестиции. Со последните активности на училиштето и општествено-одговорни компании и поединци, дечињата денес спортуваат на нови современи терени за фудбал, ракомет и кошарка, посетуваат настава во училиште со целосно реновиран долен кат, а со најновите содржини, ќе бидат во тек со наставата, но и најновите светски и технолошки трендови.
. . . превземено

16.11.2023

Уште една убава вест пред крајот на работната недела

Со гордост известуваме дека учениците Ема Стојанова, Марко Здравковски и Ема Алаѓозовска, под менторство на наставникот Димитар Димески го освоија првото место на Противпожарниот квиз – натпревар кој се одржа на 14ти ноември во просториите на ДХО “Даре Џамбаз” во организација Противпожарниот сојуз на Град Скопје

Честитки за учениците кои достојно ја претставија и ги одбранија боите на Општина Аеродром, а со освоеното место обезбедија пласман на Државното првенство

15.11.2023

Учениците од IV² и IV³ одделение заедно со наставничките Катерина Тасевска и Марина Спасовска по повод одбележувањето на 13ти Ноември – 79 годишнината од ослободувањето на градот Скопје, направија прошетка низ Старата скопска чаршија и ја посетија Националната галерија во Даут-пашин амам каде е поставена годишната ликовна изложба на основните училишта насловена како “Шемов и јас” #СкопјеРадостТиЌеБидеш

13.11.2023

79 години слободно Скопје

Скопје расте – растеме и ние со него… му се радуваме на секое негово катче, разноликост и топлина….

Честит 13ти ноември, Денот на ослободувањето на Скопје

13.11.2023

Бидејќи повторувањето е мајка на знаењето, денес уште еднаш ќе кажеме

Понеделнички – победнички

Овој пат ќе ги поздравиме нашите кошаркари кои освоија прво место на општинското првенство во кошарка – машки

Честитки за учениците и посветените ментори. Посакуваме уште поголеми успеси и поубедливи резултати

#basketball#winners#srcenateren

10.11.2023

Во периодот од 23 до 25 октомври, Националната агенција за европски образовни програми и мобилност, одделението за еTвининг, успешно организираше еТвининг конференција, насочена кон градинки, основни и средни училишта кои имаат ограничено или немаат искуство со еТвининг платформата #eTwinning

На конференцијата на тема “еТвининг, иновација и едукација” присуствуваа претставници од БРО, МОН и 34 наставници меѓу кои и колешката од нашето училиште, Елена Чорлевска

Главна цел на конференцијата беше учесниците да истражат и да научат за сите можности што ги нуди еТвининг во училишното образование како и за предностите од користењето на информациско-комуникациски технологии во секојдневната работа на наставниците ETwinning North Macedonia, Национална агенција за европски образовни програми и мобилност

09.11.2023

“Инвестираме во нашата планета, рециклираме”, проект – работилница која во изминатите два дена претставници на компанијата “Макстил” ја реализираа со учениците и наставниците од Активот на одд.

Вработените од Секторот за заштита на животната средина од “Макстил” преку интерактивен метод и со показни средства им објаснија на учениците за процесот на загадување со пластика, хартија и стакло, важноста на рециклирањето, процесот на рециклирање како и за опасностите од загадување со создадениот отпад по растителниот и животинскиот свет, а посебно за човекот.

Целта на проектот е да се пренесе знаењето за предностите од намалување на отпадот и неговото рециклирање уште од мала возраст и да се алармира за потребата од едукација за значајноста на екологијата во пошироки размери.

На крајот на работилницата учениците добија симболични подароци, а предавачите ги известија дека во тек е ликовен конкурс на тема “Рециклирање”. Се надеваме дека името на некој наш ученик ќе го пронајдеме во наградените творби #greenplanet#ekologia#recycling#RecyclingChallenge#safeenvironment

08.11.2023

Искрени честитки за колешката Жанета Дивјакоска Донева – Наставник по Музичко образование во нашето училиште. Посакуваме уште поголеми успеси во иднина.

——————————————————————————————————–

Градоначалникот Муцунски додели признанија за најдобрите просветни работници, паричните средства ќе бидат донирани за Леонид Индов

Утрово во Општина Аеродром, се одржа свечен настан на кој градоначалникот Тимчо Муцунски им ги врачи признанијата на најдобрите просветни работници од основните училишта во Аеродром за учебната 2022/23 година.

Признанијата се доделуваат врз основа на претходно утврдени критериуми, на наставниците од сите основни училишта, кои во својата работа покажале посветеност, иницијатива и успех во работата со најмладите.

Станува збор за важно достигнување кое се доделува на најдобрите наставници од секое основно училиште, а уште поважно е што сите средства од страна на наставниците ќе бидат во целост донирани за лекување на младиот Леонид Индов од Аеродром.

Искрена благодарност и честитки за успехот за наставниците од следните основни училишта:

– ООУ „Гоце Делчев“ – Јасмина Ѓорѓевска

– ООУ „Блаже Конески“ – Јоана Николиќ

– ООУ „Ѓорѓија Пулевски“ – Љубинка Стојановска

– ООУ „Димитар Македонски“ – Оливија Жежова

– ООУ „Александар Македонски“ – Михајло Христов

– ООУ „Браќа Миладиновци“ – Жаклина Ристовска

– ООУ „Лазо Ангеловски“ – Костадинка Поповска

– ООУ „Љубен Лапе“ – Жанета Дивјаковска.

08.11.2023

Во текот на вчерашниот ден во училишниот двор со помош на учениците и наставниците од Еко-тимот беа засадени 40сет нови садници

Благодарност до Halkbank AD Skopje за донацијата и за поддршката во иницијативите за почиста и позелена животна средина, но и за разубавувањето и облагородувањето на нашиот училишен двор #greenplanet

#ЕкоУчилиште#ЧистаОколина#здравасредина#GreenPower

07.11.2023

“Помислете и на нас”, кампања која под ова мото ја организира Црвениот крст на Македонија – вклучувајќи се во глобалната борба против гладта

Под водство на Општинската организација Косела Вода во кампањата се вклучи и нашето училиште, а учениците, родителите и наставниците – сите заеднички, успешно ја реализираа – несебично донирајки за оние на кои им е најпотребно

Одговорните наставници со помош на првачињата од I² одделение и други ученици ја предадоа донацијата на лица од Црвениот крст, а ние искрено се надеваме дека во најблиска иднина ќе ја добиеме оваа битка со гладта кај нас и во целиот свет Црвен Крст на РСМ ОО Кисела Вода #helpinghands #HungerEndsWhereCaringBegins #CaringCommunity #caringissharing