31.01.2024

Во рамки на проектот “Нашите медиуми” во 3³ одделение, наставничката Викторија Пауноска и новинарот Огнен Јанески во соработка со Македонски институт за медиуми – МИМ / Macedonian Institute for Media – MIM реализираа активности поврзани со медиумската писменост

Што е новинарство и што работат новинарите? Што е дезинформација, мисинформација и малинформација? Како фотографиите и видеата може да се променат и да се злоупотребат? На овие, и на повеќе други прашања поврзани со медиумите и новинарството, учениците од четири основни училишта во Скопје разговараа со новинари кои гостуваа на училиштен час и ги споделија своите професионални искуства. Учениците се запознаа со клучните концепти на медиумската писменост и со основните алатки за проверка на информациите, особено на социјалните медиуми.

Посетите беа реализирани во основните училишта „Ацо Шопов“, „Александар Македонски“, „Лирија“ и „Љубен Лапе“.

Оваа активност се спроведува во рамки на регионалниот проект „Нашите медиуми: Акција на граѓанското општество за поттикнување медиумска писменост и активизам, спротивставување на поларизацијата и промовирање дијалог“. #нашитемедиуми

*Фотографиите од учениците се објавени со согласност од родителите.

30.01.2024

Со задоволство ја пренесуваме веста за успехот на ученикот Даријан Белчовски од III² одделение кој го освои место на турнирот организиран од Тениската федерација на Македонија за момчиња до 10 години во тенискиот клуб Мондано-Скопје

Честитки и уште поголеми успеси во иднина #firstplace#winner#tennisplayer

“БЗР од МАЛИ нозе” е проект кој е поддржан од МОН и БРО, а во 2023 година се реализираше по петти пат се со цел подигање на јавната свест за градење на култура за безбедност и здравје при работа кај учениците, од најмала училишна возраст.

Меѓу страниците на Збирката песни и раскази на учениците – творци се најде името и на нашата ученичка Ива Минова од 7¹ одделение која заедно со својата наставничка по предметот Македонски јазик, Јулијана Димовска зедоа учество во проектот.

Чест и задоволство е да се биде дел од проектот “Безбедност и здравје при работа од мали нозе” кој неколку години по ред поттикнува, обединува и помага при подигнување на колективната свест во друштво на 200 ученици од 26 основни училишта од нашата држава… Честитки

28.12.2023

Учениците од 1³ одделение заедно со своите наставнички Сузана Климпер и Марина Митковска, подготвија Новогодишна претстава за своите најблиски

Претставата ја проследија и неколку вработени во училиштето, како и Директорката – Фоника Станоева. Сите бевме сведоци на прекрасната креативност и дружење на учениците, а наголемото изненадување за сите беше Дедо Мраз, кој пристигна со голема вреќа подароци за дечињата

28.12.2023

По повод новогодишните празници, во текот на вчерашниот ден во холот на училиштето се организираше Новогодишен базар

Учениците, заедно со своите семејства изработуваа рачни творби, украсни предмети, домашно приготвена храна при што заедно со одделенските раководители многу успешно ја реализираа активноста

На Базарот родители, баби, дедовци, вработени во училиштето, наставници, по симболична цена купувааа од приложените изработки

Собраните средства ќе бидат искористени за потреби на училиштето со цел подобрување на условите за работа #zaednoMozemeSe #odNasZaNas #ChristmasSpirits

26.12.2023

Учениците од III⁶ одделение со наставничката Тања Атанасова и образовниот асистент, Словенка Камчевска, учествуваа во хуманитарната акција на училиштето “Д-р Златен Сремец” под мотото: “Подари играчка – побуди насмевка”

Преку донирање на коцки, сложувалки и најразлични други играчки тие ја покажаа својата хуманост и великодушност.

Учениците учеа за хуманиот момент на споделувањето и дека нешто што било нивно, а веќе не им треба – за некое друго детенце може да биде сé #подариНасмевка #подариСреќа

Во период сме на дарување и споделување желби и подароци и оваа хуманитарна акција посакуваме да биде повеќе од успешна, бидејќи колку повеќе подарени играчки – толку повеќе детски насмевки

26.12.2023

Учениците од 3² одделение заедно со своите наставнички Верица Пандурска и Емилија Николоска присуствуваа на Новогодишниот симфониски концерт во Македонската филхармонија

Тие ја проследија Новогодишната бајка за деца – „Девојчето со книгите“, која е инспирирана од познатата бајка „Девојчето со кибритчиња“ од Ханс Кристијан Андерсен, под диригентската палка на Дијана Имери Илкоска

„Девојчето со книгите“ е приказна која не потсетува на среќата, на убавината и добрината, но и на тагата и на несреќата. Всушност, зборува за сите оние работи за кои треба да бидеме свесни, а особено за хуманоста – да помагаме, да бидеме благородни и доблесни #бидихуман #NewYearConcert

Предновогодишната недела е секогаш исполнета со многу забава и еуфорија, насмевки и дружења. Ве покануваме на заедничка дружба на Новогодишниот базар

25.12.2023

На 22ри декември, денот кога календарски почнува зимата, учениците од Дневниот престој во училиштето организираа Новогодишна лотарија под мотото: “Креираме, подаруваме и се изненадуваме”

Тие заедно со наставничката Сузана Н. Тодорова ја украсија училницата, а за оваа пригода со своите родители креираа новогодишни пакетчиња кои си ги подарија меѓу себе, си посакаа најубави желби за здравје и радости во годината која доаѓа, а на сите нас, во еден глас, ни посакаа Среќна Нова 2024 годинa️ #happynewyear2024 #jinglebells