22.02.2024

Учениците од Активот на второ одделение заедно со своите наставнички го одбележаа 21ви февруари – Меѓународниот ден на мајчиниот јазик #MotherLanguageDay

Тие ја истакнаа важноста на нашиот мајчин јазик, но и на сите јазици во светот, пишувајќи го зборот

ЉУБОВ на повеќе јазици #love#amour#sevgi#ljubav#älskar#cinta

Со ова потенциравме една од главните нишки на празнувањето на овој ден, а тоа е промоцијата на лингвистичката и културната разновидност, но пред сé важноста и уникатноста на секој јазик на планетата Земја #differeceDoesMatter

21.02.2024

По повод Меѓународниот ден на мајчиниот јазик, 21ви февруари, во ООУ “Блаже Конески” – Аеродром се одржа пригоден настан под мотото “Македонскиот јазик како аманет за навек”

Директорката од нашето училиште, Фоника Станоева со претставници од наставниците и учениците, го посетија одбележувањето на празникот, како и многу други гости на училиштето – домаќин, меѓу кои и големиот македонски автор за деца и млади, Велко Неделковски

Честитки за нашата ученичка, Михаела Стојкоска од 8² одделение и нејзиниот наставник – ментор, м-р Милка Тримчевска за освоена трета награда на Литературниот конкурс во категорија на ученици од предметна настава

Искрени честитки и за колегите од Блаже Конески Аеродром за успешната реализација на настанот со желби за уште повеќе вакви и слични случувања

21.02.2024

21ви февруари – Меѓународен ден на мајчиниот јазик – ден на кој се промовира културата и се потенцира важноста и уникатноста на секој јазик во светот

Да го чуваме и негуваме мајчиниот јазик бидејќи: ,,ЈАЗИКОТ Е ЕДИНСТВЕНАТА НАША ТАТКОВИНА.”

Учениците од IV² одделение, пригодно за денешниот ден изработија хамер и напишаа творби на својот мајчин јазик со кои го облагородија училишниот хол #motherlanguage#MotherLanguageDay2024

19.02.2024

Уште еден голем успех на нашите ученици, во вториот круг од квизот на знаењата – “Ученичка квизотека”, во организација на Detski kulturen centar “Karpos” Детски културен центар „Карпош“-Скопје

На 15.2.2024 година, нашите ученици Зоја Спасеноска 8¹ одделение , Борјан Јосифов 8⁴ одделение и Ема Алаѓозовска 9³ одделение, во прекрасна атмосфера и одлично расположение, го освоија ПРВОТО место

Им честитаме на нашите претставници и им посакуваме понатамошен успех во натпреварот

16.02.2024

Во текот на вчерашниот ден во соработка со Македонски центар за меѓународна соработка – МЦМС учениците од 2¹, 2², 2³ и 2⁶ одделение реализираа работилница на темата „Дрвото на интегритетот“.

Работилницата е дел од програмата „Граѓаните против корупцијата“ чија цел е да се зголеми вклученоста и соработката на граѓаните, граѓанското општество, медиумите и приватниот сектор во борбата против корупцијата.

Идејата на оваа активност е преку реализизација на интерактивен час со учениците, преку цртежи и игра – да им се приближат поимите на интегритет, како што се: чесност, вистинитост, правичност, еднаквост и сл. #integrity #integritymatters #IntegrityFirst

Благодарност до одговорниот тим за успешната реализација и уште поголема благодарност за иницијативата и прекрасната соработка со родителката од нашето училиште, која безрезервно се вклучи во организацијата и реализацијата на работилницата.

14.02.2024

Во склоп на наставната програма по англиски јазик, во одделениe – изучување за јазикот, културата, обичаите и празниците во земјите каде се зборува англискиот јазик, денес имавме работилница и учевме дека треба да се сакаме, дружиме и почитуваме #learningenglish#learningthroughplay#newinformation#traditions#lovelanguage#culturalvalue

09.02.2024

Учениците од 8² и 8⁴ одделение реализираа вонучилишна активност при што го посетија Меморијалниот центар на холокаустот на Евреите од Македонија, каде се запознаа со темата, а во рамки на активноста ја посетија и црквата Св.Димитрија.

Учениците се запознаа со животот, културата и традицијата на Евреите во Македонија. Имаа можност да видат оригинални предмети од секојдневниот живот и практикување на религијата на Евреите како и аудиовизуелни содржини кои вклучуваат и сведоштва на преживеаните Евреи од Македонија по трагичното патување до логорот Треблинка.

Историските факти не се бришат, а целта на сеќавањето на една од најцрните дамки во историјата на човештвото – холокаустот, е токму тоа, да не ја повториме грешката, да се научиме на соживот, толеранција и почитување на човековите права

08.02.2024

Учениците од Дневен престој во нашето училиште, заедно со наставничката Сузана Тодорова Николовска реализираа креативна работилница – Ткаење

Совладуваме нови техники, твориме, се надоградуваме и креативно се изразуваме негувајќи ја традицијата #traditionalart

07.02.2024

%12+39÷ Општинскиот натпревар по математика во нашето училиште се реализираше многу успешно, а резултатите се уште подобри#bestresults#mathematics

Честитки за учениците и нивните ментори и одиме на Државен

05.02.2024

Во петокот на 2.2.2024 година се одржа Општинскиот натпревар по математика на кој за прв пат секој ученик се натпреваруваше во своето училиште.

100тина ученици од 4то до 9то одделение, точно напладне почнаа со натпреварување #mathcompetition

За успешна реализација на натпреварот се погрижи координаторот, Александра Пешевска Митановска во соработка со комисијата за прегледување, во состав: Соња Данева, Бошко Дамјаноски и Бети Ефтимов од активот математика, и одделенските наставници: Фимка Сидовска, Биљана Тасева, Елена Чорлевска и Марија Ивановска #contesttime #math #mathematics #mathchallenge #bestofthebest