11.12.2022

Детска Евровизија 2022 се оддржа во Јереван, Ерменија, нашата држава ја претставија Лара, Ирина и Јован

Тие на сцената во Јереван ја изведоа песната „Животот е пред мене“

Сите заеднички го поздравуваме нашиот ученик Јован и им честитаме на сите учесници за вложениот труд и постигнатите резултати

09.12.2022

Учениците од I-3 одделение со наставничките Маја Младеновска и Ристенка Димковски и Образовниот асистент Бојана Трајковска реализираа работилница по повод одбележувањето на Меѓународниот ден на лицата со интелектуална попреченост на тема:

“Способноста и попреченоста припаѓаат на иста скала”

Термините „способност“ и „попреченост“ може да се разгледуваат на скала со различни степени и дефиниции. Сите, без разлика кои се, се вклопуваат некаде на оваа скала. Ова е важно за сите луѓе, но можеби е најважно за децата

Цел: Децата да не се класифицираат врз основа на способноста или онеспособеноста, туку фокусот да се стави врз нивната функционалност – нивните потенцијали, можности и способности – за целосно да ги уживаат своите права на образование

#siteSmeEdnakvi#bidiDrugar

07.12.2022

Првиот Словен кој станал епископ, татко на Кирилицата, основач на прв словенски Универзитет, најучена личност во македонската култура, величествен моралист – Свети Климент Охридски

Свети Климент живеел на преминот од деветтиот во десеттиот век, роден е околу 840, а починал 916 година. Тој е патрон на Македонската православна црква и заштитник на сиот македонски народ. Денешниов ден за нас е голем празник – достојно да го прославиме споменот на Свети Климент Охридски Чудотворец

Учениците од 8мо одделение по предметот “Нашата татковина” како и учениците од Литературната секција твореа на оваа тема со што уште еднаш ќе ја покажеме благодарноста кон ликот и делото на Великанот кој не задолжи сите нас, нашите предци и идните поколенија

06.12.2022

Оваа година навршија 30сет години од воведувањето на денарот како наша парична единица

По тој повод Народната банка во текот на целата година е домаќин на љубопитни посетители, како нашите ученици од 3³ одделение, кои со наставничката Марина Спасовска, на ден 6.12.2022 година,беа во посета на Народната банка по повод 30сет години од монетарната самостојност ма нашата држава

Учениците од 3⁶ одделение со наставничката Елизабета Славковска и Образовниот асистент Ирена Милевска реализираа работилница по повод одбележувањето на Меѓународниот ден на лицата со интелектуална попреченост на тема: “Охрабрување на лицата со посебни потреби и обезбедување инклузивност и еднаквост”.

Денот има за цел да промовира подобро разбирање на полето на хендикеп, со фокус на правата на лицата со посебни потреби

Целта е да се зголеми свеста за подобро разбирање и поттик на луѓето да бидат посвесни за правата.

#siteSmeEdnakvi

Во спортската сала на ООУ “Љубен Лапе”, се одиграа натпревари во одбојка за женски, зона Југ, на кои одбојкарките на ООУ “Љубен Лапе” ги победија екипите на ООУ “Круме Кепески” и ООУ “Партенија Зогравски”

Со оваа победа нашите одбојкарки ќе не претставуваат на градско првенство кое ќе се одржи во текот на второто полугодие

Честитки до ученичките и професорите

Во просториите на Домот на хуманитарни организации ,,Даре Џамбаз” се одржаа 36тите Регионални квиз – натпревари кои ги организира Противпожарниот сојуз на Град Скопје

Нашите ученици од ООУ “Љубен Лапе” ја претставуваа општина Аеродром – како општински победници – и ја претставија во најдобро светло освојувајки го првото место

Честитки за учениците и нивниот наставник – ментор Андријана Савеска

Со цел да ги прошириме нашите знаења за хемијата како наука, но и да напредуваме паралелно со развојот на современата технологија, во организација на наставничката по хемија, Љупка Симоска ги поканивме професорите од Технолошко – Металуршкиот факултет во Скопје да дојдат на посета во ООУ „Љубен Лапе “ и да ни ги пренесат знаењата од современата лабораторија

Целта на оваа посета беше учениците да се запознаат со изгледот и функцијата на една современа лабораторија, со лабораторискиот инвентар и мерките на претпазливост во хемиска лабораторија, да се стекнат со нови проширени знаења и практични експерименти на различни теми по природните науки

Голема благодарност до Технолошко – Металуршкиот факултет во Скопје и до сите професори што ни ја овозможија оваа едукација, од која научивме многу повеќе од редовните наставни содржини и го збогативме нашето знаење со многу новитети. Предавањата и практичните активности беа одржани на следниве теми од професорите:

Доц. д-р Мишела Темков “Технологија за производство на фондан”

Проф. д-р Бети Андоновиќ “Математика и наноматеријали”

Бојан Атковски “Екперименти од општа хемија”

Вонр. проф. д-р Бошко Бошковски “Технологија и хемија”

Се надеваме дека нашата соработка ќе продолжи понатаму и во иднина и дека редовно ќе ги надградуваме знаењата и со идните наши генерации

На ден 25.11.2022 година во нашето училиште се одржа 36от финален квиз натпревар по противпожарна заштита во организација на Општинскиот Противпожарен сојуз АеродромУчество земаа сите основни училишта од општина Аеродром, а нашето училиште беше домаќин на настанот.

Учениците од нашето училиште освоија прво место на противпожарниот квиз во категорија ,,кадети”

Како дел од активностите на Ученичкиот парламент, по повод 20ти ноември, Светскиот ден на детето, група ученици од нашето училиште, од 7мо до 9то одделение, ја посетија Канцеларијата на Народниот правобранител, заедно со своите наставнички по етика, граѓанско образование и географија

Остварија работна средба со заменикот на Народниот правобранител, г-ѓа Васка Бајрамовска Мустафа, раководител на одделот за заштита на правата на детето, при што таа, во непосредна комуникација со учениците, им ги претстави задачите и функцијата на овој оддел, како и начинот на заштита и остварување на детските права. Учениците , во пријатна и топла атмосфера, со голем интерес го проследија предавањето но и поставија прашања за да ги продлабочат своите знаења за важноста и значењето на оваа институција.

Прекрасните домаќини ги напуштија со ветување за повторна дружба наскоро.