30.05.2023

На 27ми мај, за нашите ученици, за прв пат се организираше шаховски турнир на ниво на училиште, во организација на Шаховскиот клуб Капабланка и Шаховскиот сојуз на Град Скопје, во кој учествуваа 106 ученици од II до IX одд

Се играше во следните категории:

Турнир во шах за девојчиња од

II до V одд

Турнир во шах за момчиња од

II до V одд

Турнир во шах за ученици од

VI до IX одд

Презадоволни сме од интересот кај учениците за шахот како спортска игра, а уште повеќе од одзивот на Турнирот

Благодарност до организаторите и за сите вклучени наставници кои допринесоа за успешна и беспрекорна организација Шаховска Федерација на Македонија / Chess Federation of Macedonia

29.05.2023

На 23ти мај, наставничките од 3¹, 3⁴ и 3⁵ одделение, во соработка со психологот Марија Конеска од Центар за развој, едукација и советување на деца и млади-МАША Марија, реализираа работилници на тема “Емпатија над насилството во училиштата”

Целта е да се развие свесноста кај учениците за сопствените постапки, развивање на емпатија како и начинот на разрешување на секојдневните несогласувања. Преку игра , учениците согледаа како се однесуваат кон другарчињата и дадоа идеи за подобрување на истото

Се договорија лошите зборови и постапки да се поништат и на нивно место да се кажуваат и пишуваат убави зборови

Голема БЛАГОДАРНОСТ до гостинката.Се надеваме на понатамошна соработка

26.05.2023

Учениците кои го претставуваа нашето училиште на државниот натпревар на најдобри македонски инструментални солисти, хор и оркестар “VIVA LA MUSICA”, организиран од Здружението на музички педагози на Македонија, кој се одржa во Валандово на 13 мај, ги постигнаа следните одлични резултати: #vivalamusica#musicislife

25.05.2023

Денес во 3² одделение се одржа отворен – интегриран час по Англиски јазик и Општество на тема: ,,Сообраќајни знаци и превозни средства”

Одделенските раководители, Катерина Тасевска и Валентина Вангеловска, заедно со наставничката по Англиски јазик, Јасминка Костадиновска го реализираа часот во присуство на други наставници и претставници на Стручната служба во училиштето

Уште една интересна активност, во која учениците уживаа, со задоволство се вклучија и со наставничките, заеднички – успешно ја реализираа

24.05.2023

Денес го славиме Денот на словенските просветители и учители, Денот на браќата Кирил и Методиј. Светите браќа Кирил и Методиј се основоположници на словенската писменост и литература и се заслужни за културниот развој на сите словенски народи

„Не врне ли дожд од Бога еднакво за сите? А сонцето не грее ли исто така за сите? Зарем не дишеме воздух сите еднакво? Па тогаш како не се срамите да признаете само три јазика, а сите други народи сакате да бидат слепи и глуви?“ – Константин Филозоф (Св. Кирил)

Нашите ученици во текот на вчерашниот ден изработија пригодни паноа исполнети со многу важни информации и пораки за животот и делото на просветителите

Нека ни е честит и вековит 24 Мај, Денот на сесловенските просветители – Денот на Светите браќа Кирил и Методиј!

23.05.2023

Честитки за сите ученици кои учествуваа на настанот и наставниците – ментори, кои беспрекорно ги подготвија

Благодарност до Општина Аеродром и градоначалникот, г-н Тимчо Муцунски во име на в.д. Директорката, Ивана Цветановска и во име на сите нас, на успешната соработка, инвестицијата и укажаната чест, да бидат наши гости

23.05.2023

Конкурс за избор на
* ученици кои се истакнуваат со своето знаење или со други видови постигнувања
* на ученици кои постигнуваат натпросечни резултати во одредени наставни предмети или воннаставни активности
* првенци на генерација 2014-2023 година

22.05.2023

Уште една нова работна недела која ја започнуваме победнички

Женската одбојкарска екипа на нешето училиште е ДРЖАВЕН ПРВАК

Честитки за одбојкарките и наставничкиот тим, кои секогаш го даваат својот максимум, бранејќи ги боите на ООУ “Љубен Лапе” Аеродром#srcenateren#prvaci#sitenatribini

19.05.2023

Еразмус проект ,,ЖИВОТОТ Е ОБОЕН СО НОВИ ИНФОРМАЦИИ“

Од 23-29 април се реализираше мобилност на ученици и наставници од нашето училиште како партнер училиште со земјите – партнер училишта Турција, Романија, Литванија и Италија . Домаќин училиште беше Istanbul Nef Primary School

Првиот ден имаше претставување на Тимовите-учесници на мобилноста преку видео бим и свечена приредба од страна на училиштето-домаќин.

Во текот на мобилноста учениците посетија неколку различни одделенија каде имаа можност да видат каде и како се одвива наставата во тоа училиште. Реализираа игровни активности и креирање на игровна мапа, правеа оригами, креираа игри и многу други забавни и едукативни активности. Беше реализирана и културна тура, организирана од домаќините со цел запознавање со убавините и културните обележја на градот Истанбул и нивната земја, Турција – учесниците на мобилноста го посетија старото градче Балат, карактеристично со разнобојните фасади на куќите, кулата Галата, музејот на играчките и имаа двочасовна тура со брод на Босфор. Се запознаа со историјата на Аја Софија и Сината Џамија и се прошетаа во познатата Капали чаршија

Последниот ден на сите учесници им беа доделени Сертификати за учество во мобилноста, која се заокружи повторно со игра – во училишниот двор ја изиграа детската игра ,,Уфо“ Национална агенција за европски образовни програми и мобилност

17.05.2023

Во ООУ ,,Кирил и Методиј” – Скопје се одржа регионалниот натпревар по германски јазик

Нашите ученици постигнаа значајни резултати, со кои сите седум учесници обезбедија пласман на државниот натпревар #Alemania