08.03.2023

Учениците од Литературната секција на својата последна средба своите творби ги посветија на 8ми Март – Интернационалниот ден на жената

На хамер во бојата на љубовта, топлината и цутот ги истакнаа своите творби со честитки за празникот и пригодно го збогатија холот на училиштето

06.03.2023

Создавањето на пријатна средина за работа со воспоставен вредносен систем за добра меѓусебна соработка меѓу сите учесници во секојдневието на нашето училиште е една од нашите највисоки цели

Во име на тоа, но и за подобрување и позитивна надоградба на тие вредности, во текот на минатата недела колешката м-р Милка Тримчевска – Координатор на Тимот за професионален развој во нашето училиште, реализираше интерна обука, за наставниците и стручните соработници на тема: “Климата и културата во училиштето – услов за ефективно училиште”.

Честитки за иницијативата и успешната соработка, но и за разбудениот интерес за обуката која се реализираше во два дена со две различни групи на учесници

01.03.2023

Во текот на вчерашниот ден, по повод 1ви Март учениците од I³ одделение изработија венчиња од кокичиња – предвесникот на пролетта

Учениците од Дневниот престој во училиштето изработија мартинки и за себе, а и за дел од вработените во училиштето

01.03.2023

Во текот на вчерашниот ден и учениците од II⁶ одделение заедно со наставничката Тања Атанасова и образовниот асистент Словенка Камчевска го одбележаа Меѓународниот ден на ретки болести. Заедно преку обоени дланки, цртежи, пароли, изразија поддршка за лицата со ретки болести и испратија порака: Ретки сте затоа што сте храбри! Нашите раце ги подаваме кон вас!

28.02.2023

Светскиот Ден на ретки болести – 28ми февруари – е годишен настан чија главна цел е подигнување на јавната свест за ретките болести и влијанието кое тие го имаат на квалитетот на живот на пациентите

Учениците од Активот на трето одделение како и учениците од 1⁵, 2¹ и 2³ одделение, со нивните наставнички го одбележаа Денот на ретки болести и испратија порака за поддршка, грижа и прифаќање на лицата со ретки болести: “Денес да ги обоиме нашите дланки и такви да ни бидат секој нареден ден”

#AloneWeAreRareTogetherWeAreStrong

23.02.2023

Во текот на вчерашниот ден, во заедничка соработка на Активот на трето одделение и Училишната библиотека, нашето училиште го посети писателката за деца и возрасни г-ѓа Јадранка Клисарова

На ред за обработка ни дојде лектирата “Децата од моето училиште” која е напишана од перото токму на оваа писателка. Говоревме за случувањата во книгата, нивната вистинитост и реалност, извлековме поуки, но и препознавме дел од секојдневието на нашето училиште во тие раскази

На крајот од нашата средба авторката потпиша многу книги, учениците и подарија свои скромни изработки во знак на благодарност, а сите со себе понесовме убав спомен

Благодарност до авторката за посетата и убавата соработка – до некои нови дружења и средби

22.02.2023

Интересот за шахот како спорт во нашето училиште е се поголем, а проектот “Шах во училиштата”, се поактуелен

Ја прошируваме соработката за уште поголеми резултати

По ООУ Киро Глигоров, ООУ Владо Тасевски и ООУ Вера Циривири Трена и ООУ “Љубен Лапе” Аеродром се придружува на основните училишта во кои ако не сите, тогаш сигурно поголемиот дел на одделенски наставници, ја имаат посетено обуката за одржување на часот по шах.

Сликите се од обуката на која учествуваа дваесетина наставнички од ООУ Љубен Лапе.

21.02.2023

По повод Меѓународниот ден на мајчиниот јазик, 21ви февруари, во ООУ “Блаже Конески” – Аеродром се одржа пригоден настан под мотото “Јазикот на мојот дедо и прадедо”

Под ова мото беше распишан и Литературен конкурс на кој конкурираа ученици од сите училишта од нашата општина

Честитки за нашиот ученик, Бојан Тодоровски од 7⁴ одделение и неговиот наставник – ментор, Милка Тримчевска за освоена прва награда во категорија на ученици од предметна настава

Искрени честитки за колегите од ООУ “Блаже Конески” за успешната реализација на настанот со желби за уште повеќе вакви и слични случувања

21.02.2023

21ви февруари – Меѓународен ден на мајчиниот јазик – да го чуваме и негуваме мајчиниот јазик

,,ЈАЗИКОТ Е ЕДИНСТВЕНАТА НАША ТАТКОВИНА.”

21.02.2023

Во рамките на воннаставните активности по предметот Граѓанско образование група ученици од 8мо и 9то одделение од нашето училиште, остварија посета на Собранието на Република Северна Македонија, заедно со своите наставнички по граѓанско образование, биологија и географија

Претставничката на Парламентарниот институт на Собранието им беше водич низ најпознатите и најимпресивните простории во нашиот Законодавен дом и нивните карактеристики.

Таа, во непосредна комуникација со децата, на мошне интересен начин го претстави историјатот на институцијата и начинот на функционирање и организација на работата на пратениците, со цел проширување и продлабочување на знаењата за важноста и значењето на оваа институција

Учениците импресионирани од посетата, се разделија од своите домаќини со ветување за следна дружба и соработка