06.10.2023

“Јас и светот околу мене” мотото под кое работевме цела седмица, во рамките на Детската недела

Искрено, како што може само децата да кажат – го доживеавме, но и го видовме насликан, опишан и посакан – светот, онаков каков што тие го посакуваат 🩷

Ја заокружуваме работната недела со надеж дека пораките од искрените детски срца ќе допрат токму онаму каде што е потребно, дека ќе разбудиме некоја идеја со која ќе ги реализираме детските соништа за поубав свет – свет во кој секој заслужува насмевка

#childrensweek2023#childwishes

#makeithappen#childrights

06.10.2023

Не случајно во рамките на Детската недела е датумот на кој во светски рамки се величи и чествува ликот на една од најважните личности во животот на едно дете – 5ти Октомври – Светскиот ден на учителот

Ова е само уште една нишка, уште еден доказ дека префинетоста е во растењето на децата – пеку воспитувањето, описменувањето и нивната подготовка за во “Светот на возрасните”

Во текот на вчерашниот ден – учениците од одделенска настава постојано го збогатуваа холот на училиштето со своите изработки во чест на своите наставници и наставниците воопшто – честитајки им го Светскиот ден на учителот

#teachersday2023#TeacherLove

05.10.2023

Учениците од активот на одделение изработија пригодно пано по повод Детската недела и го разубавија училишниот хол, а преку своите картички и цртежи, уште еднаш упатија силна порака за Правата на детето #childrights#friendship#ChildRightsMatter 🩷

05.10.2023

Денешниот ден, 5ти Октомври, е прогласен за Светски ден на учителите

Професијата наставник е благородна професија што ги обликува карактерот и иднината на една личност.

Да се биде учител, наставник, професор, воспитувач е најблагородната, најубавата, но и најодговорната професија што подразбира огромна посветеност не само кон младата личност туку и кон оној на кој му се потребни знаења, вештини и мотивација

#teacherday2023#dedication#love

Учениците од 4² и 4³ одделение, со наставничките Катерина Тасевска и Марина Спасовска, преку групни активности ја одбележаа Детската недела посочувајќи на правата на детето, но и со потсетување до сите нас: Да го негуваме детето во себе

04.10.2023

02.10.2023

02.10.2023

Детската недела оваа година ја отвараме со приемот на првачињата во Детската организација, кој свечено беше одбележан во училишниот хол

На настанот учествуваа учениците од петто одделение, кои им прочитаа дел од детските права на првачињата, а тие во еден глас ја рецитираа песничката “Ветување”

#Congratulations#ChildRightsMatter#ChildRightsEnvironment#childrights

02.10.2023

Со интонирање на националната химна оддаваме почит на нашата татковина, но и сите заедно ја учиме и во еден глас, гордо ја пееме

#Anthem#lovemycountry

26.09.2023

Бесплатни училишни униформи за над 7 илјади ученици од Општина Аеродром.

Станува збор за комплетен пакет – униформа кој вклучува целосна опрема за учениците. Средствата за реализација на набавката се обезбедени од буџетот на Општина Аеродром.

Нашето училиште изразува благодарност за вклученоста во еден ваков проект – униформите се предадени на учениците со што се надеваме дека овој проект ќе обезбеди:

Подобри и посовремени услови за одвивање на наставата.

Намалување на конкуренцијата на учениците врз основа на облеката.

Поттикнување чувство за заедница и припадност.

Чувство на еднаквост.

#Schooluniformchallenge#schoolpride#schooluniformstyle#schoolspirit

26.09.2023

Да се биде медиумски писмен значи да умееме критички да ги читаме информациите, да проценуваме како е создадена и со која цел. Во историјата на човештвото, досега не сме имале поголеми можности да бидеме информирани. Но, тоа не значи дека секогаш се информираме на правилен начин. Информациите, но и сите други медиумски содржини честопати можат да бидат еднострани, половични, наведувачки, да бидат полувистинити или целосно неточни. За сè ова како наставници треба да сме свесни, но и подготвени да ги поучиме и упатиме учениците – како навистина да ги примаат информациите, да ги процесираат, но и како и дали да ги проследат, бидејки сите ние сме чувари на информацијата и имаме одговорност за истата

Во текот на минатата недела во нашето училиште се реализираше обука за “Медиумска писменост” наменета за наставниците и стручните соработници. Оваа обука е дел од проектот на УСАИД – “Младите размислуваат”, под покровителство на МОН, а во реализација на БРО, ИРЕКС, ИКС, Македонскиот образовен форум и Македонскиот институт за медиуми.Обуката преку шест модули, заради обемноста, се реализираше во два дена за секоја од групите, а за поефективно спроведување на самите часови во тек е и подготовка на Прирачници за наставниците и родителите

Голема благодарност за вложениот труд и честитки за успешната реализација на обуката за советничката од БРО, г-ѓа Јулија Глигорова Трајаноска и наставничката – ментор во нашето училиште, М-р Викторија Пауноска