19.03.2024

Тимот на Мрежа Стела продолжува со циклусот на работилници со наставнички од основни училишта. Нашето училиште ја имаше честа, минатата недела да биде домаќин на работилницата „Важноста на менторството и вовед во менторската програма на Стела“ – која е уште една во низата активности од овој проект кој е во партнерство и со финансиска поддршка на Британската амбасада.

Под водство на проф. д-р Мира Беќар, наставничките имаа можност да се запознаат со процесите на менторство, придобивките од истото, како и различните формати и средини на спроведување. Во склоп на работилницата се разви и дискусија за предизвиците со кои се соочуваат наставничките во нивното секојдневие особено во делот на насочување на учениците согласно нивните сопствени убедувања и вештини.

Наставничките се запознаа и со работата на Мрежа Стела, како и со работата и целите на Женската менторска мрежа.

Благодарност за посветеноста и пријатната атмосфера која ја создадоа предавачите и во која работилницата се реализираше повеќе од успешно

Голема благодарност и до Здружението за значењето на еколошкото образование во осовременување на образованиот процес (ЗЕОООП СК), со чија поддршка ја организиравме оваа работилница.